RANDRIANOMENJANAHARY William

hatolotry ny Fikambanana Itaosy Uni. Ny traikefany nandritra ny 20 taona mahery noratovony teo anivon’ity kaominina ity tamin’ny maha-mpanolon-tsaina azy sy tamin’ny naha-lefitry ny Ben’ny tanana azy nandritra ny 5 taona farany teo no nanosika azy handray izany andraikitra goavana izany. Zavatra telo raha araka ny fanazavany no nanosika azy hilatsaka hofidiana ho Ben’ny tanana sy ny namindran’ny Ben’ny tanana Randrianarisoa Jean Richard ny faneva taminy dia ny fitandroana mandrakariva ny fahamarinana amin’ny alalan’ny fahaiza-mitantana sy ny mangaraharaha. Ny hahafahana manohy ny asa amin’ny alalan’ny fahazoana ny fahefana ny faharoa raha ny fampandrosoana maharitra an’Itaosy kosa ny fahatelo farany izay tsy kely akory. Notsiahiviny manokana moa fa anisan’ny Kaominina filamatra ny Kaominina Itaosy hatramin’izay. Tafiditra tao anatin’ireo kaominina 6 voafidy tamin’ny resaka fitantanana mangaraharaha izy ireo teto amin’ny Faritra Analamanga izay voaporofo’ny USAID sy ny PNUD ka nanatanterahany ilay tetikasa Rindra. Mbola anisan’ny kaominina 2 mendrika teto Analamanga ihany koa Itaosy tamin’ny resaka fikirakirana ny sora-piankohonana izay voaporofon’ny Prodigi. Marihina fa efa Kandida Ben’ny tanana teny Itaosy Randrianomenjanahary William tamin’ny taona 1996 ary laharana faharoa izy tamin’izany. Mboal laharana faharoa ihany koa ity Kandida ity amin’ny fifidianana hotanterahina amin’ny 11 Desambra ho avy izao. Izy no mpitarika ny antoko Tiako I Madagasikara tamin’ny taona 2002 teny Itaosy saingy noho ny tsipaka am-bavafo izay nahazo azy tamin’ny ora farany dia nilatsaka amin’ny anaran’ny tsy miankina izy.
Pati
Legende : Izy no Randrianomenjanahary William, anisan’ireo kandida Ben’ny tanana ao anatin’ny Kaominina Itaosy !