airtel

Politique

29-avril-2024

RASTANY RANDRIANARISOA

Betsaka ireo maharary ny vahoaka, ilana fanovana eto

Sample post image

Betsaka ireo maharary ny vahoaka ilana fanovana eto amintsika raha araka ny fanazavan’ny kandida ho depiote

29-avril-2024

Randrianarisoa Rastany, natolotry ny Vovonana Firaisankina ao anatin’ny Boriborintany faharoa. Notsindriany manokana tamin’izany ny resaka rano fisotro madio izay avy ao Mandroseza no ivony, nefa tena miteraka olana sy mampijaly vahoaka tokoa ankehitriny. Toraka izany koa ny fampianarana ambony izay mbola ao anatin’ny Boriborintany faharoa ihany koa no misy azy. Diso fantatro loatra ireo zava-misy iainan’ny vahoaka ireo hoy izy raha nitafa tamin’ny mpanao gazety ny tenany tamin’ny Sabotsy teo teny amin’ny Hotel Panorama Andrainarivo ka ilana fanovana avokoa. Nilaza ihany koa ireo mpiray lisitra aminy toa an’Atoa Williamson fa zanaky ny Boriborintany faharoa ny tenany, mahafantatra tsara ny olana sedrain’ny mponina eny amin’iny faritra iny. Vovona ny hanao poa-droa araka izany izy ireo ary hiady ho an’ireo mpianatra eny amin’ny anjerimanontolo, hitondra ny fitarainana sy ny feo eny anivon’ny Antenimieram-pirenena. Nambaran’izy ireo fa hoataony maodely sy filamatra ny Boriborintany faharoa, izay ahitana ny foko sy ny kolontsaina marolafy mifanjohy. Tafatsangana ny Sabotsy teo ny Komity mpanohana azy ireo ao anatin’ity Boriborintany iray ity. Narahin’ny fitsofan-drano nataon’ny filoha teo aloha Marc Ravalomanana azy ireo izany izay nanamafy fa mivilana ny fitondrana misy eto Madagasikara. Taom-pifidianana ity taona 2024 ity hoy izy koa antenaina fa hitondra fanovana sy taham-panantenana ho an’ny vahoaka Malagasy izany. Niantso ireo feno 18 taona rehetra mba handatsa-bato ihany koa ny tenany nandritra izany.
Pati
Legende : Ireo kandida solombavambahoaka avy amin’ny Firaisankina ao anatin’ny Boriborintany faharoa !

 

Dans la même rubrique

19-juil-2024

Tsy manary namana ny Filoha Rajoelina, izaho no « bête noire » an’ny mpanohitra,

Card image cap
18-juil-2024

Nijanona ho resaka ambony latabatra sy fangaronan-dela ara-politika aloha ilay hoe :

Card image cap
18-juil-2024

Manoloana ny fanenjehana ara-politika miseho lany ankehitriny dia nanambara ny antoko politika

Card image cap