Amin’ny maha mpanohitra anay, dia ny ahy haveriko foana hoe: ny fitantanana ny firenena, rehefa mametraka ny tombotsoa ambonin’ny firenena ho laharam-pahamehana, tombotsoan’ny besinimaro, ka misy ny tsy fahombiazan’ny olona voatendry, dia fomba amam-panao ny manova minisitra na olom-boatendry samihafa. Miteny ny depiote, miteny ny Filohan’ny Antenimieram-pirenena, ka hoy aho hoe: manana ny maro an’isa lavitra be ny Fitondrana amin’izao, hoy izy tao amina fahitalavitra iray omaly hariva. Fikorontanana ve izany sa fahatongavan-tsaina? Ny fifanarahana ilazana fa misy tsy mandeha tokoa, dia ny farany nihaino ny teninay ihany izany ireo maro an’isa hoe: jereo fa misy tsy mety sy tsy mandeha eto amin’ny firenena, hoy hatrany io Mpandrindra nasionalin’ny HVM io. Tsy efa ela ve ny Filoha no niresaka hoe misy tombana. Mbola tsy resy lahatra angamba ny Filoha sy izay olona afaka manapa-kevitra hoe: mety tokoa raha misy ny fanoloana olona, ary mbola tsy miresaka rafitra isika, hoy izy. Notsipihin’I Rivo Rakotovao kosa fa mampalahelo I Madagasikara raha tsy afaka manapa-kevitra ny Filoham-pirenena. Nametra-panontaniana izy hoe: voafatotr’iza izany ny filoha sanatrian’izany? Maninona no tsy manapa-kevitra dia misy filazana ho tsy afaka manapa-kevitra irery, tsy afaka manolo minisitra sasany, ka mampalahelo ny firenena raha izany, hoy I Rivo Rakotovao.
Toky R
Efa fiainana ilay miaraka amin’ny vahoaka, hoy ny kandida ho solombavambahoaka ao Manjakandriana, Dr Fidy Bariniaina.
Nivadika ny rasa, nanapa-kevitra ny tsy hanohana ny kandida solombavambahoaka avy amin’ny
Tsy hitondra fitoniana eto amin'ny firenena ny fifidianana kasaina hatao eto Madagasikara
Raharaha isan’ny mitana ny sain’ny maro ankehitriny ny nampidirana am-ponja an-dRtoa Ramalason Olga,
Mila averina ny hasin’ny fanabeazana eto Madagasikara, hoy ny antoko politika RCR-Tolona,
Mitohy ny fanamboarana ireo làlana mampitaraina ny vahoaka ao Ambohimanarina.