Sarin’ny Filoha any anaty Biraom-panjakana

repoblika lany tamin’ny fomba demokratika dia mipetraka eny anivon’ny biraom-panjakana rehetra. Ny fanoloana na fanesorana izany sary izany, araka izay fomba amam-panao hatrizay naha repoblika an’i Madagasikara, dia miandry izay voka-pifidianana ofisialy avoakan’ny fitsarana avo momba ny lalàmpanorenana. Ampahatsiahivina ihany koa ny rehetra, hoy hatrany ny fiadidiana ny repoblika, fa misy fitsipika mifehy sy fandrindrana izany eny anivon’ny biraom-panjakana ka ny tsy fanajana izany dia miendrika fandikan-dalàna sy fitsipika manan-kery. Fampahatsiahivana izay nampahatsiahy ihany koa ny zava-nitranga ny taona 2009, raha nandray ny fitantanana ny tetezamita ny fitondrana notarihin’ny filoham-pirenena malagasy farany teo, Andry Rajoelina, tamin’izany fotoana izany. Toy ny nampiseho ihany koa araka izany ity fampahatsiahivana nataon’ny fiadidiana ny repoblika amin’izao fotoana izao ity fa fandikan-dalàna ny nataon’ny fitondrana Rajoelina ny taona 2009 raha nanolo ny sarin’ny filoham-pirenena “lany tamin’ny fomba demokratika” saingy nahongany, raha ny filazan’ireo sehatra iraisampirenena azy tamin’izany fotoana izany, Marc Ravalomanana. Tsiahivina moa tamin’ireny fotoana ireny fa 3 taona be izao, mialohan’ny tena tokony hifaranan’ny fotoam-piasany ny filoham-pirenena, Marc Ravalomanana, no niongana. Zara raha nisy 2 taona ny fe-potoana niasana vitany raha nandray fanindroany ny fitantanana ny firenena, izany hoe 2007 hatramin’ny 2009, raha toa ka tokony mbola nitohy hatrany amin’ny taona 2012. J. Mirija