Sady nankalazaina tamin’io koa ny faha 6 taonan’ny fikambanana. Miezaka manome sehatra sy mamolavola tanora ara-tsaina, vatana, fanahy ny TMH, araka izany anarany izany, hoy ny filohany, Rafidimanana Désiré, indrindra eo amin’ny fiseharana amin’ny lafiny sosialim-bahoaka ahafahana manampy ny mpiara-belona. Tsy misy tsy mahafantatra koa anefa fa miaradia amin’izao fitondrana izao ny TMH ary isany nametraka ny dian-tanany nametraka ny filoham-pirenena Andry Rajoelina teo amin’ny toerany. Maro ny sedra nolalovana saingy ny mahafaly dia misy manerana an’I Madagasikara ankehitriny ny TMH. Ilaina ny fifampiresahana ary amin’ny alalan’izany ihany no ahitana marimaritra iraisana ahafahana mitsinjo ny vahoaka. Niseho izany tamin’ny resaka fitantanana ny vidin-tsolika sy ny saran-dalana. Nisy ezaky ny fitondrana tao. Tsy ekena ny fanakorontanana satria karazana tahotra fifidianana izany ho anay. Handray 4 taona ankehitriny ny fitondrana Rajoelina. Tsy nisy mpitondra tonga lafatra teo fa ny asa vita no ifampitsarana. Teo ny krizy fa tsy azo odian-tsy hita ireo fotodrafitrasa natsangan’izao fitondrana izao. Raha tsy hiteny ny lalana Ambatondrazaka-Moramanga fotsiny isika, ohatra, izay efa kely sisa. EPP, CEG, Lisea, Oniversite, kianja manara-penitra entina hanandratana sy hanampiana ny tanora amin’ny tontolon’ny fanatanjahantena. Ireo tohadrano samihafa sy ny tsy voatanisa rehetra. Ny filoham-pirenena ihany no mahafantatra izay ekipa manao baolina tsara eny ambonin’ny kianja, raha resaka hoe mpamingana azy ao anaty fitondrana ihany no lazaina. Manome tanana azy no anjaranay ety ivelany. Tsy maintsy misy foana izany mpamingana anaty fitondrana izany fa tsy hampalemy ny filoham-pirenena akory izany, hoy hatrany ny TMH.
J. Mirija
Nivadika ny rasa, nanapa-kevitra ny tsy hanohana ny kandida solombavambahoaka avy amin’ny
Tsy hitondra fitoniana eto amin'ny firenena ny fifidianana kasaina hatao eto Madagasikara
Raharaha isan’ny mitana ny sain’ny maro ankehitriny ny nampidirana am-ponja an-dRtoa Ramalason Olga,
Mila averina ny hasin’ny fanabeazana eto Madagasikara, hoy ny antoko politika RCR-Tolona,
Mitohy ny fanamboarana ireo làlana mampitaraina ny vahoaka ao Ambohimanarina.
Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,