airtel

Politique

15-mars-2024

Tetikasa Tazana

«Tsy misy afa-tsy fijerena ny fampandrosoana an’i Madagasikara»

Sample post image

Tsy misy firenena hanaiky tsy handroso izany, hoy ny antoko politika Natiora.

15-mars-2024

Tompon’antoka daholo, hoy ny filohan’izy ireo, Mihari-Ni-Rencho, ny malagasy tsirairay avy rehefa firenena no resaka. Matetika ny hevitra no tsy iraisana ka dia nampifandray hevitra, noho izany, ny antoko Natiora sy ny Antso fiarahamonina Kristianina na AFK. Efa hananan’ny AFK ny fitaovana entina hampandroso ny firenena ka rehefa nifandinika, noho izany, izahay dia nanapa-kevitra hikarakara hetsika hampiray hevitra ny malagasy rehetra ho fampandrosoana an’i Madagasikara. Tanjona ny hoe any aoriana any na iza na iza hitondra ny firenena dia mba hisy fomba fijery iraisana. Nantsoinay hoe «Tazana» ity tetikasa ity ary ho tontosaina eny amin’ny trano malalaka Tazana eny Alasora izany ny 5 aprily 2024 ary tapany maraina ihany. «Fijery mitovy anaty fifampitokisana» no kendrena satria tsy mifampatoky intsony ny malagasy. Olona miisa 50 eo no nasaina ary hanana anjara fitenenana 2 minitra avy, izany hoe, 100 minitra eo no fitambarany. Ny fanontaniana ao anatin’izany dia ny hoe «Ahoana ny fijerinao ny hoavin’i Madagasikara? Hamirapiratra ve sa tsy misy antenaina?». Tsy fotoana hifanomezan-tsiny io fa tena hoe fakana ny hevitry ny malagasy ary na ny filahatry ny anaran’ireo olona nasaina aza dia natao mifanaraka amin’ny ABD. Amin’ny maha malagasy tomponandraikitra ny tsirairay no iantsoana ilay olona. Misy avy amin’ny fitondram-panjakana, avy amin’ny fanoherana, ireo 13 mirahalahy nirotsaka ho fidiana filoham-pirenena farany teo. Ho azavainay amin’io fotoana io ny antsoina hoe andry fototra miisa 9 na «9 piliers socles», ny atao hoe «Tenenkos», misy ny antsoina hoe rindram-baiko aingam-pivoy na «progiciel» hahafahana miady amin’ny fahantrana. Tetikasa mety ho an’izao tontolo izao io fa omentsika lahara-pahamehana ny hoe «malagasy aloha!». Omenay maimaimpoana ny mpitondra rehetra io nefa fikarohana vitan’ny malagasy. Hitondrana azy ny antsoina hoe «7 paradigmes de changement» na fomba fiheverana miisa 7 mitondra fanovana. Ny tekinisianina avy amin’ny AFK moa no hanazava izany anaty 30 minitra eo. Hisy boky ho amidy eny an-toerana, noho izany, efa nitehirizana ireo fanazavana rehetra. Tsy misy afa-tsy fijerena ny fampandrosoana an’i Madagasikara amin’io fotoana io fa tsy hoe hamely an’i Rakoto na Rabe. Mbola hisy dingana voalohany, faharoa, fahatelo io ary izay rehetra izay no haparitaka manerana an’i Madagasikara, hoy hatrany ny fanazavana.
J. Mirija
 

Dans la même rubrique

21-juin-2024

vita amin’ny takelaby mifono varahina ary mikombona vozony izay mirefy 7,62x30mm ho an’ny Kalacknikov ny Ozinina Miaramila

Card image cap
21-juin-2024

Nilamina tamin’ny ankampobeny ny fiatrehana fifidianana tamina toerana maro teto Madagasikara,

Card image cap
21-juin-2024

Tsy misy zavatra tsy azo tanterahana anaty teny ifampiherana, hoy ny antoko politika Fiombonana.

Card image cap
21-juin-2024

Miditra an-tsehatra an-tsehatra ny Firenena Milambana manoloana ny toe-draharaha eto Madagasikara, indrindra taorian’ny fifidianana.

Card image cap
21-juin-2024

Efa hitan’ny sehatra iraisampirenena ny tsy fahatomombanan’ny zotram-pifidianana teto Madagasikara,

Card image cap
20-juin-2024

Fantatrareo fa ny vondrona politika ‘Lay FAR, izay ahitana ny antoko politika Les Phares,

Card image cap