Tontolo politika

no nahafahantaran’ny maro azy teo amin’ny tontolon’ny politika.
Izy no filohan’ny FEDEP na « Fédération des Ex-Détenus et Victimes Politiques de Madagascar). Tsy salama efa andro maromaro ity mpanao politika mpanohitra ity, ary notsaboina tamin'ny klinika tsy miankina teny Ankadifotsy avy eo nifindra teny Anosibe saingy tsy tana ny ainy. Tsy marina noho izany ny filazana fa maty nosamborina sy novonoina tamin’ny fomba feno habibiana, araka ny resaka niely tamin’ny tambajotran-tserasera izy, fa noho ny tosi-dra niakatra ka nisy tapaka lalandra tamin’ny lohany, hoy ny loharanom-baovao. Efa kandida ho depiote tao amin’ny Distrikan’i Toamasina I ny tenany tamin’ny taona 2019. Tao anatin’ny fanoherana no tena nahalalana azy, nisy fotoana efa nisintaka kely tamin’ny mpanohitra, saingy niverina, ka tsy nitsitsy fitenenana tamin’ireo heveriny fa tsy fanjariana nataon’izao fitondrana izao. Anisan'ny nanamarika azy, ny fandraisana anjara tamina tolona maromaro. Teny ahatsiarovana azy tamin'izany ilay hoe "tsisy miala aketo niany." nandritra ireny hetsika fotsy notarihin’ny Firaisankinan’ny kandida ireny. Ny nahitana azy niseho farany dia izy mbola tonga nanatrika ny fanokafana ny taom-pikatrohan'ny RMDM ho an'ny taona 2024 tamin’ny 10 janoary lasa teo. Mirary fiononana feno ho an’ny fianankaviany manontolo isika eto amin’ny Gazety Tia Tanindrazana.
Toky R