Politique

Isan’ny nasongadina manokana tao anatin’izany ny hoe “Madagasikara nomerika” noho izy io heverina fa tsy azo ihodivirana intsony manoloana ny fihazakazaky ny fanatontoloana sy ny hairaha vaovao na teknolojia ankehitriny na dia mbola tsy mahay mamaky teny sy manoratra aza ny antsasa-manilan’ny malagasy ary araka ny antotan’isa nomen’ny sampan-draharaha misahana izany na INSTAT farany moa dia hoe kilasy fahatelo na “niveau T3” amin’izao fotoana izao ny malagasy amin’ny ankapobeny. Mivelatra sy miasa maneran-tany, haingana sy mora ny antotan-taratasy, hamorona asa, hakingan-tsain’ny malagasy nefa, raha ny fiheveran’i Tahina Razafinjoelina azy ny fidiran’i Madagasikara lalindalina kokoa amin’ny tontolon’ny nomerika. Mitodika makany amin’ny sampana na “service” mifandraika amin’izany hifandraisana amin’ireo nosy rahavavy sy firenen-kafa toa an’i Maorisy, Romania, Estonia, Inde ny vina. Lafiny fanondranana ny vokatra amin’ny sehatra iraisam-pirenena koa heverina fa hitombo ny fivelarany. Ilaina ny fampiharana ny atao hoe fanabeazana teknolojika amin’ny alalan’ny fifanakalozana ampitain-davitra an-tsary sy feo na “visio conférence” manerana ny faritra miisa 24. Fanjakana tsara tantana no tanjona. Tomombana ny lafiny fitsaboana, ny angovo azo avaozina amin’ny alalan’ny fampiasana herin’ny masoandro na “Energie renouvelable solaire”. Herinaratra isan-tokantrano no tanjona. Hanafoana ny tsy fandriampahalemana. Mianatra ny ankizy. Famadihana ny ranomasina ho azo ampiasaina. Ireo raha aravina ny heveriny fa tombontsoa ilaina maika amin’ny fametrahana izany, raha ny fanazavana nomen’ity tekinisianina sady filohana antoko politika ity hatrany .
J. Mirija