Tany ihany koa no toerana voatondro nialoha fa saika hanatanterahana ny fanamarihana ofisialy ny andro ho an’ny zon’ny vehivavy 8 martsa roatokombolana lasa izay, saingy nafindra tao Antsirabe, ka faharatsian’ny toetr’andro no voalaza fa antony. Raha ny vaovao azo tany Manakara, tsara ny andro tany tamin’io. Misy kosa anefa ny loharanom-baovao manokana azo tany an-toerana tamin’ireny, fa narisarisa ireo mpitondra tompon’andraikitra sy mpitondra amin’ny kaominina, voalaza fa misy ihany koa ny tsy fifankahazoana eo amin’ny depiote sy ny governora. Ny Tale Kabinetran’ny faritra «nifandraratefaka» teo amin’ny lisea, ary mety ho matahotra hamory vahoaka satria tsy misy angamba ny zavatra homena azy avy eo, hoy ny fanehoan-kevitra tsy fampiantranoana ny 8 martsa. Fa ny tena goavana, dia voafaritra fa tokony hotokanana ny 8 martsa 2022 ny tetezan’i Manakarabe, izay tapaka an-taonany maro, saingy tsy vita, ary mbola tsy vita hatrany tamin’ity fiverenany ity. Voalazan’ny Mpikamban’ny “Miara-manonja” iray aza fa efa nisintaka ny orinasa nanao azy satria tsy voaloha ny “engagement budgétaire” 20%. Nandritra ny propagandy ny 26 oktobra 2018, nampanatena i Andry Rajoelina fa hatsangany ao Manakara ny orinasa famokarana « jus de letchis » ary hasiana « Centrale solaire” mba ahafahana mampihena ny vidin-jiro, hasiana EPP, CEG ary lisea sy kianja sentetika manara-penitra ho an’ny tanora. Tamin’io ihany koa no efa nilazana fa amboarina ao anatin’ny fotoana fohy ny Pont Manakara Be. «Mbola maro ireo fotodrafitrasa ho ataoko miaraka aminareo toy ny fanarenana ny hopitaly manara-penitra, koa ampio aho ahafahako manampy anareo”, hoy i Andry Rajoelina tamin’izany. Nisy ny ampahany vita fa ny tsy tanteraka no betsaka. Ny 7 febroary, mbola nampanantena indray i Andry Rajoelina, ary nilaza fa ho vita ao anatin’ny fotoana fohy i Manakarabe, nandeha ny resaka fa hotokanana ny 08 martsa, mbola tsy vita ny 29 martsa ihany koa mazava ho azy, ka diso fanantenana ny olona!
Toky R
Nivadika ny rasa, nanapa-kevitra ny tsy hanohana ny kandida solombavambahoaka avy amin’ny
Tsy hitondra fitoniana eto amin'ny firenena ny fifidianana kasaina hatao eto Madagasikara
Raharaha isan’ny mitana ny sain’ny maro ankehitriny ny nampidirana am-ponja an-dRtoa Ramalason Olga,
Mila averina ny hasin’ny fanabeazana eto Madagasikara, hoy ny antoko politika RCR-Tolona,
Mitohy ny fanamboarana ireo làlana mampitaraina ny vahoaka ao Ambohimanarina.
Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,